Barcelona me titullin e siguruar ka vazhduar me fitore në La Liga, këtë herë ndaj Villarrealit me rezultat 5-1.
Ishte një ndeshje e mirë dhe me raste nga të dy anët, por Barça e motivuar nga publiku vendas fitoi me meritë në fund.
Goli i parë u shënua nga Philippe Coutinho në minutën e 11-të, ndërsa i dyti u shënua nga Paulinho pesë minuta më vonë.
Në minutën e fundit të kohës së rregullt të pjesës së parë shënoi edhe Lionel Messi, i cili u asistua nga Andres Iniesta.
Nicola Sansone shënoi golin e vetëm për mysafirët në minutën e 54.
Ndërsa në fund për katalunasit shënoi dy herë edhe Ousmane Dembele (87', +90').
Pas kësaj fitore Barcelona vazhdon e pamposhtur pas 36 xhirosh me 90 pikë, kurse Villarreali renditet i gjashti me 57 pikë.
Ndeshja e ardhshme e skuadrës Ernesto Valverde është ndaj Levantes, kurse Nëndetësja e Verdhë pret Deportivo de La Corunan. /Telegrafi/
https://www.dailymotion.com/video/x6j718a
https://www.dailymotion.com/video/x6j71sx
https://www.dailymotion.com/video/x6j727s