Sheshi Syntagma në Athinë u kthye në një arenë përplasjesh të ashpra, teksa grupe personash të maskuar hodhën bomba molotov dhe goditën me objekte të forta drejt ndërtesës së parlamentit grek.
Protestuesit, të mbuluar me maska dhe kapuç, shkatërruan pllakat e trotuarit në sheshin Syntagma, duke shtuar kaosin.
Pamjet e publikuara në rrjetet sociale tregojnë tensionin e lartë mes turmës, ndërsa një protestuese pësoi komplikime shëndetësore pasi u shtyp nga turma.
BREAKING: Thousands attend a protest in Syntagma Square, outside the Greek parliament in Athens, marking the second anniversary of Greece’s worst rail disaster.
57 people were killed in the collision in February 2023.
📺 Sky 501, Virgin 602, Freeview 233 and YouTube pic.twitter.com/HM0PtYJYDx
— Sky News (@SkyNews) February 28, 2025
Mitingje të mëdha u mbajtën në mbarë Greqinë më 28 shkurt, në përkujtim të dyvjetorit të tragjedisë së Tempit.
Në qytetet kryesore brenda dhe jashtë vendit, mijëra njerëz dolën në rrugë për të nderuar 57 viktimat dhe për të mbështetur familjarët e tyre.
Protestat mbushën rrugët e Athinës, Selanikut dhe Larisës, duke reflektuar zemërimin dhe dhimbjen e qytetarëve. /Telegrafi/
