Është bërë evakuimi i kryengritësve të fundit nga qyteti Aleppo në Siri.
Ushtria e Sirisë përmes një deklarate thotë se “po kthehet siguria dhe stabiliteti në Aleppo, pasi është çliruar nga terrorizmi dhe terroristët”, transmeton Telegrafi
Komiteti Ndërkombëtar i Kryqit të Kuq më parë përmes një postimi në Twitter ka thënë se bora e madhe dhe era ka ngadalësuar ekipin e saj mbështetës në evakuim, por ato nuk janë ndalur.
Kryqi i Kuq thotë se mbi 4,000 luftëtarë janë dërguar në zonat rurale gjatë natës.
Mbi 30 mijë civilë dhe kryengritës kanë lënë enklavat në Lindje të Aleppos, që nga java e kaluar, thonë nga OKB. /Telegrafi/