Telegrafi

“Askush nuk donte të fliste me mua te Barcelona, ​​vetëm Eric Abidal” – ylli i ri francez tregon vuajtjet te gjiganti i La Ligas

Ish- mbrojtësi i Barcelonës, Jean-Clair Todibo, ka folur për kohën e tij zhgënjyese në Katalonjë, pasi francezi iu bashkua La Blaugranave nga Nice në janar 2019 si një nga qendërmbrojtësit e rinj më të vlerësuar në Ligue 1.

Megjithatë, çështjet e dëmtimeve dhe ndryshimet menaxheriale bënë që ai të mos vendosej në ekip dhe filluan huazimet shpejt.

Pas periudhave te Schalke 04 dhe Benfica, Todibo kuptoi se e ardhmja e tij nuk ishte te Barcelona, ​​pas vetëm katër paraqitjeve në La Liga deri në fillimin e sezonit 2020/21.

Ai iu bashkua Nices në formë huazimi dhe klubi francez aktivizoi një klauzolë blerjeje për të në qershor 2021, pas një edicioni mbresëlënës.

Paraqitjet e tij kanë vazhduar të rriten, ku klubet e Ligës Premier dhe Paris Saint-Germain, pavarësisht paraqitjeve të dobëta në Barcelonë e duan mbrojtësin.

Todibo pohoi se ai kurrë nuk ishte rehat në Barcelonë dhe koha e tij atje nuk u bë e lehtë nga klubi dhe shokët e tij të skuadrës, si pjesë e një dokumentari të ri për klubin nga Amazon Prime.

“Ata thanë se do të bëhesha zëvendësuesi i (Gerard) Pique, por nuk e pata kurrë mundësinë. Kam luajtur vetëm pesë ndeshje dhe kam bërë mirë, por ata nuk më kanë thënë asgjë. Askush nuk donte të fliste me mua te Barcelona, ​​vetëm Eric Abidal”, ka treguar mbrojtësi. /Telegrafi/