Roma dhe Napoli kanë arritur një marrëveshje të madhe për sulmuesin turk Cengiz Under.
Napoli prej kohësh e ka kërkuar reprezentuesin turk, ndërsa më në fund dy klubet janë pajtuar për një transferim të tij.
Skuadra e udhëhequr nga Gennaro Gattuso është pajtuar të paguajë 30 milionë euro për Under.
Por pasi edhe Roma është pajtuar me këtë çmim, Giallorosët kanë kërkuar nga Napoli që në marrëveshje të futet sulmuesi polak Arkadiusz Milik.
Kryeqytetasit janë futur në bisedime për kontratën e Milik dhe nëse polaku pranon transferimin në Romë, atëherë Giallorosët do të duhet të paguajnë një pjesë të parave te Napoli.
Përveç që do ta japin Under, Roma do t’i paguajë edhe 10 milionë euro të tjera Napolit për Milik.
Por nëse nuk arrihet një marrëveshje me sulmuesin polak, atëherë Napoli do të paguajë vetëm 30 milionë për transferim të thjeshtë të Cengiz Under.
Zyrtarizimi i kësaj marrëveshje mes dy klubeve pritet të bëhet gjatë ditëve të ardhshme. /Telegrafi/