Mbrojtësi i Barcelonës, Ronald Araujo, ka pranuar se e ka humbur durimin gjatë humbjes së tyre në El Clasico, por ka pasur edhe një këshillë për kundërshtarin e tij të drejtpërdrejtë, Vinicius Junior.
Mbrojtësi i Blaugranave ka ‘dominuar’ brazilianin në ndeshjet e fundit, por Vinicius e fitoi betejën të mërkurën mbrëma, duke shënuar dhe asistuar.
Ndërsa Vinicius u largua, ai mund të shihej duke i bërtitur Araujos, i cili ia ktheu favorin. Kjo bëri që dyshja të kenë një përleshje.
Duke folur për Teledeporte pas ndeshjes, Araujo shpjegoi se donte të shihte më pak nga mashtrimet e Vinicius.
“U nxehem pak sepse flisja me njerëz gjatë gjithë kohës. Ai është një lojtar i madh, por duhet të përqendrohet në lojë. Nëse i përkushtohet vetëm kësaj, do të jetë më i mirë”, ka thënë fillimisht Araujo.
“Gjithmonë përpiqem t’i respektoj të gjithë, ai është një lojtar i madh, e kam thënë gjithmonë, por sot jam nxehur pak sepse ai nuk ndaloi së foluri me njerëzit, duke i parë të gjithë…”.
Për sa i përket lojës në përgjithësi, ai pranoi se Barcelona nuk e mbajti përqendrimin e saj pasi pranoi në fillim të periudhës së dytë.
“Jemi të trishtuar. Ne donim të shkonim për një trofe më shumë, por në pjesën e dytë u kthyem shumë mbrapa pas disavantazhit 0-2. Pjesa e parë ishte e jashtëzakonshme, por ata shënuan kundër rrjedhës së lojës. Është koha të ngrihemi dhe të shkojmë në Ligë, që është më e rëndësishmja”, përfundoi mbrojtësi.
Beteja midis Vinicius Jr dhe Araujo do të jetë një nga më të mirat në futboll për shumë vite në vijim, nëse ata të dy mbeten aty ku janë. Uruguaiani ka mbrojtur Vinicius në të kaluarën, por me sa duket braziliani e fitoi betejën mendore dhe atë në fushë të mërkurën. /Telegrafi/