Nga 15 dhjetori fillon projekti i përbashkët i Ministrisë së Financave dhe Fondit për Inovacione dhe Zhvillim Teknologjik #TVSH-jaime#Dhurataime, që ka për qëllim të motivojë qytetarë të skanojnë llogari fiskale.
Ministrja e Financave, Nina Angellovska dhe drejtorja e DHP-së, Sanja Lukarevska njoftuan se fondi i lojës shpërblyese është gjysmë milionë euro ndërsa organizator është Lotaria Shtetërore, njofton Telegrafi Maqedoni.
Do të ketë 10 dhurata ditore edhe atë katër dhurata me nga 1000 denarë, tre dhurata me nga 2000 denraë dhe tre dhurata me nga 3000 denarë. Në muaj do të ketë 12 shorte, ndërsa të gjitha llogaritë e skanuara që nuk kanë qenë fituese të dhuratave ditore, do të marrin pjesë në shortin mujor. Dy dhuratat kryesore do të jenë në vlerë prej tre milionë euro dhe një do të jetë në muajin mars, ndërsa tjetra në fund të vitit 2020.
Ashti siç sqaruan, kur do ta skanoni llogarinë fiskale menjëherë në ekran do të paraqitet nëse është fituese apo jo. Sipas Angellovskës, tani qytetarët do të jenë të motivuar t’i skanojmë të gjithë llogaritë fiskale, pa dallim nëse janë pesë përqind apo zero përqind për shkak se mundësitë janë të njëjta për të fituar./Telegrafi/