Patrick Vieira është trajner i ri i skuadrës franceze nga Ligue 1, Nice.
Ish-mesfushori francez ka zhvilluar karrierë të madhe si futbollist me fanellën e Arsenalit dhe pastaj edhe me të Juventusit e Interit.
Por, pas pensionimit Vieira filloi të punojë për tu bërë një trajner dhe atë e arriti duke u emëruar si shef i New York Cityt në Mayor League Soccer.
Emri i tij u përfol si zëvendësues i Arsene Wengerit te Arsenalit, por Topçinjtë emëruan Unai Emeryn.
Megjithatë, nuk ka vonuar shumë dhe Vieira ka gjetur punë duke u bërë trajner i ri i skuadrës franceze nga Ligue 1, Nice.
https://twitter.com/NewCityChienLee/status/1006171648007917568
Është vet klubi francez që ka konfirmuar emërimin e Vieira si trajner të ri, duke e zëvendësuar në detyrë Lucien Favren.
Me emërimin si trajner, Vieira është ndarë i lumtur, ashtu sikurse edhe skuadra franceze që ka pritje të mëdha nga ai. /Telegrafi/