Presidenti ukrainas Volodymyr Zelensky në Asamblenë e Përgjithshme të OKB-së, gjatë vitit të kaluar pati prezantuar dratin e formulës së paqes në Ukrainë.
Ndërkaq sot duke folur para liderëve botërorë në po të njëjtën Asamble në New York, tha se do të zbulojë detaje të planit në Këshillin e Sigurimit gjatë të mërkurës.
Sipas tij më shumë se 140 vende dhe organizata ndërkombëtarë e kanë mbështetur plotësisht ose pjesërisht formulën për paqe, transmeton Telegrafi.
"Formula ukrainase e paqes po bëhet globale. Ajo është e gatshme të ofrojë zgjidhje dhe hapa që do të zgjidhin të gjitha format e armatimit që Rusia ka përdorur kundër Ukrainës dhe vendeve të tjera", theksoi Zelensky në New York.
Gjithashtu bëri të ditur se Rusia po e shfrytëzon si “armë”, mungesën globale të ushqimit dhe krizën e energjisë.
Presidenti ukrainas tha para të pranishmëve, se Rusia po rrëmben fëmijët ukrainas dhe po i mëson ata të urrejnë vendin e tyre. /Telegrafi/