Kvicha Kvaratskhelia ka qenë vërtet një zbulim për Napolin këtë sezon, pasi vetëm Diego Milito dhe Cristiano Ronaldo kishin starte më të mira se ai në karrierën e tyre në Serie A.
21-vjeçari i Gjeorgjisë vazhdoi ecurinë e tij të mrekullueshme sot kundër Sassuolos në “Diego Armando Maradona”.
Në pjesën e parë, ai kishte dhënë dy asistime për golat e Victor Osimhen dhe shënoi vet të tretin me një goditje të parë të mrekullueshme.
Kjo do të thotë se në 12 ndeshjet e tij të para në Serie A, Kvaratskhelia ka qenë i përfshirë në 11 gola – duke shënuar gjashtë dhe duke asistuar pesë.
Që nga viti 2004-05, vetëm Diego Milito në Genoa me 15 (gola/asistime) dhe Cristiano Ronaldo për Juventusin me 13 (gola/asistime) ishin përfshirë në më shumë gola në Serie A gjatë 12 paraqitjeve të tyre të para.
Sidoqoftë, Milito së pari erdhi në Itali me Genoan në janar 2004 dhe më pas në sezonin 2004-05, luajti në Serie B, ndërsa bëri debutimin e tij në Serie A në vitin 2008.
Cristiano Ronaldo ishte një i sapoardhur në Itali kur erdhi te Juventusi në verën e vitit 2018. /Telegrafi/