Vdes 6-vjeçari nga Gjilani, i ranë dyert e metalit
05/08/2021
E plotësuar: Ka vdekur 6-vjeçari nga rajoni i Gjilanit për të cilën në raportin 24 orësh të Policisë së Kosovës u bë e ditur se i kanë rënë dyert e metalit.
Rasti ka ndodhur të mërkurën në fshatin Vërbicë e Kmetovcit në Gjilan, ndërsa njoftimin për vdekjen e 6 vjeçarit e kanë bërë të ditur familjarët në rrjete sociale.
I bien dyert e oborrit, lëndohet një fëmijë në Gjilan
Policia e Kosovës bëri të ditur se në rrethana të panjohura janë rrëzuar dyert e metalit nga të cilat është lënduar një fëmijë.
Rasti ka ndodhur në fshatin Vërbicë e Kmetovcit, në Gjilan të mërkurën në ora 11:00.
Viktima ka pësuar lëndime të rënda trupore dhe është dërguar në QKUK.
Në vend ngjarje kanë dalë njësitet përkatëse. /Telegrafi/