08/12/2014
Kujtojmë se pas arritjes së koalicionit mes Partisë Demokratike të Kosovës dhe Lidhjes Demokratike të Kosovës, pritet që - sipas premtimeve të tyre - të punësohen 320 mijë veta. PDK në zgjedhjet e qershorit kishte premtuar 200 mijë vende pune, ndërsa LDK-ja 120 mijë vende pune, transmeton Telegrafi.
Këto dy parti tash do ta përbëjnë Qeverinë e ardhshme të Kosovës. Ndërsa, premtimi për punësime ka filluar të “realizohet”, së paku në rrjetet sociale. Kështu në këto rrjete po përhapet një fotomontazh që gjoja ju drejtohet qytetarëve e ku thuhet: “I/E nderuar, urime. Nga dita e sotit ju duhet t’ia filloni punës. Shpresoj të jeni të kënaqur me rrogën prej 800 eurove”. /Telegrafi/
