Udhëtarët e dehur largohen me forcë nga aeroplani (Video)

Aeroplani që po fluturonte nga Anglia për në Ibiza të Spanjës, ka bërë një ndalesë në Bordeaux të Francës, për të larguar nga bordi i aeroplanit disa nga udhëtarët që kishin sjellje agresive.

Derisa ishin shumë të dehur, ata sulmuan stjuardesat që refuzonin t’ju shërbenin pije, andaj është dashur intervenimi i sigurimit, transmeton Telegrafi.

Të gjithë udhëtarët e kanë përshëndetur largimin e tyre, sepse kishin sjellje agresive dhe mund të sulmonin në çdo moment.

Pasi janë nxjerrë jashtë, ata kanë sulmuar edhe stafin e aeroportit, ndërsa është dashur ndihma e forcave të rendit për t’i dërguar në mbajtje. /Telegrafi/