Studentja e Oksfordit ka gjetur një mënyrë të veçantë për të kursyer para – ajo ushqen veten duke ngrënë ushqim nga kazanët e mbeturinave (Video)

Një studente e Universitetit të Oksfordit ka gjetur një formë interesante dhe të veçantë për të kursyer para, duke shpenzuar vetëm rreth 7 dollarë në javë për ushqim, dhe atë në Londër.

Siç shkruajnë mediat e huaja, përcjell Telegrafi, bëhet fjalë për Josephine Liang, 25 vjeçe, e cila thotë se përveç kazanëve të mbeturinave, ajo ka ngrënë edhe ushqime të cilat ishin bërë gati të hidheshin edhe nga restorante të njohura.

Ajo tha: "Unë dua të përdor paratë e mia për të udhëtuar dhe për të bërë gjëra më emocionuese sesa thjesht të ha ushqim”.

"Unë kam punuar për organizata bamirëse dhe programe të fokusuara në mbeturinat ushqimore për disa vite dhe kam qenë duke bërë këtë lloj gjëje për rreth gjashtë muaj”.

“Pastaj vendosa të shkoj për kohë të plotë dhe të praktikoj atë që predikoj”.

E përcaktuar për të ngrënë vetëm ushqime të hedhura nga njerëzit, ajo ka krijuar edhe një “Pazar” përmes një aplikacioni për të gjetur ushqim që restorantet ose njerëzit që jetonin aty afër, planifikonin të hidhnin në mbeturina. /Telegrafi/