Sot (e premte) fillon sezoni i ri 2018/19 në kampionatin elitar anglez të njohur ndryshe si Liga Premier.
Mbrëmë (e enjte) në ora 18:00 është mbyllur afati kalimtar veror i transferimeve në Angli.
Me mbylljen e afatit disa skuadra u ndanë të kënaqura e disa të tjera jo, por që të gjitha janë gati për fillimin e sezonit të ri.
Sezoni i ri 2018/19 në Ligën Premier fillon pikërisht sot (e premte) në mbrëmje duke u bërë kampionati i parë nga 'top 5' që fillon zbukurimin e fundjave me futboll.
Ndeshja hapëse e këtij kampionati është ajo në mes të Manchester Unitedit dhe Leicester City.
Djajtë e Kuq janë nikoqir të Dhelprave në ndeshjen e javës së parë, e cila do të zhvillohet në Old Trafford nga ora 21:00.
Në ditën e shtunë do të zhvillohen edhe gjashtë ndeshje tjera, ku dy interesante janë udhëtimi i Tottenhamit te Newcastle dhe ai i Chelseat te Huddersfieldi.
Dita e diel do të na dhurojë edhe tri ndeshja tjera, me Liverpoolin që pret West Hamin dhe derbin e javës në mes të Arsenalit dhe Manchester Cityt.
Java e parë në Ligën Premier:
