04/10/2019
Serge Gnabry është zgjedhur lojtari më i mirë i javës së dytë në Ligën e Kampionëve.
Bayern Munichu mori një fitore të madhe me rezultat të thellë 7-2 në udhëtim te Tottenham Hotspur në ndeshjen e vlefshme për Grupin B.
Njëri nga më meritorët në këtë fitore të madhe të Bavarezëve padyshim se ishte ylli gjerman, Gnabry, i cili shënoi katër gola.
Këto katër gola dhe paraqitja brilante e sulmuesit anësor nuk kanë lënë pa u vlerësuar.
Faqja e Ligës së Kampionëve me anë të votuesve ka zgjedhur pikërisht Gnabryn si lojtari më i mirë i javës.
Në këtë garë, ylli gjerman mposhti Luis Suarezin, Emmanuel Bonaventure dhe Achraf Hakimi. /Telegrafi/