Rumania kritikon Rusinë për arrestimin e diplomatit të saj
17/08/2010
Shërbimi Federal i Sigurisë në Rusi njoftoi dje se e ka arrestuar diplomatin rumun Gabriel Grecu, pasi ai ishte përpjekur të sigurojë informata ushtarake nga një person.
Mirëpo sipas Ministrisë së Jashtme rumune arrestimi ishte "cenim serioz i Konventës së Vjenës për marrëdhëniet diplomatike nga ana e autoriteteve të Rusisë”.
Në muajin shkurt, Rusia shprehu shqetësime mbi planet amerikane për të instaluar raketat e interceptorëve në Rumani, për të cilat Washingtoni pohon se janë mbrojtje kundër kërcënimeve të mundshme nga Irani. /Telegrafi/