Rrahje për linja të autobusëve
13/06/2016
Policia e Kosovës ka arrestuar dje në kryeqytet katër të dyshuar pasi ishin përfshirë në një rrahje ndërmjet vete pas një mosmarrëveshjeje lidhur me linjat e autobusëve.
Si pasojë e rrahjes, njëri nga të dyshuarit ka pësuar lëndime trupore dhe i njëjti ka pranuar tretman mjekësor.
Në raportin e vet të përditshëm Policia njofton se gjatë arrestimit njëri prej të dyshuarve ka kanosur dhe i ka penguar zyrtarët policorë në kryerje të detyrës.
Me urdhër të prokurorit, të dyshuarit pas intervistimit janë liruar në procedurë të rregullt.
Incidenti, sipas Policisë, ka ndodhur në Stacionin e Autobusëve, rreth orës 10:00.