Këngëtarja me prejardhje shqiptare, Rita Ora, pati një paraqitje të shkëlqyer në mbrëmjen më të madhe të vitit, MET Gala.
E veshur me një fustan ngjyrë ari dhe prerje përgjatë trupit, Ora vuri mjaft mirë në pah linjat e saj atraktive.
Ajo është shoqëruar në tapetin e kuq të eventit nga modelja e njohur, Kate Moss.
Ndërkohë, bukuroshja Ora ka publikuar një fotografi të përbashkët në rrjetin social Instagram, ku shfaqet në prani të yjeve si: Lizzo, Char Defrancesco, Kate Moss dhe Marc Jacobs.
Këngëtarja shqiptare e ka shoqëruar këtë fotografi me një mbishkrim kontrovers, duke shkruar se askush nuk duhet të ngatërrohet me ta.
Ndërkohë, të shumta kanë qenë komentet nga ana e fansave, të cilët mes të tjerash kanë pëlqyer dukjen glamuroze të Ritës në MET Gala. /Telegrafi/
