Real Madridi tashmë ka bërë transferimin e parë pas rikthimit të Zinedine Zidane - madrilenët transferuan Eder Militaon.
Sipas të përditshmes sportive "AS", futbollisti nuk është i vetmi që skautët madrilen e kanë vështruar gjatë takimit mes Portos dhe Romës.
Los Blancos kanë ndjekur për së afërmi edhe mesfushorin me tipare sulmuese të romakëve, Nicolo Zaniolon.
Futbollisti 19-vjeçar ka pasur paraqitje fantastike këtë sezon në ligën elitare italiane, duke shënuar katër gola në 26 paraqitje prej kohës që arriti nga Interi, si pjesë e marrëveshjes së transferimit të Radja Nainggolan.
Gazeta shpjegon se ata e shohin atë si një sulmues dhe mund të bëjnë një ofertë këtë verë pasi drejtori sportiv Monchi - i cili u largua nga romakët një javë më parë - 'bllokoi' transferimin gjatë janarit.
Ndryshe, Reali ka paralajmëruar edhe disa transferime gjatë afatit kalimtar të verës si pjesë e projektit "Galaktikët II". /Telegrafi/