Reagon Ismaili, tregon përse nuk u zgjodh në kryesinë e PSD-së

Këshilli Drejtues i Partisë Socialdemokrate (PSD), të enjten ka zgjedhur kryesinë e re.

Nënkryetarë janë zgjedhur Dukagjin Gorani dhe Qëndron Kastrati.

Por në kryesi nuk kanë hyrë disa figura kryesore të partisë si Faton Topalli, Shqipe Pantina si dhe Fisnik Ismaili.

Ky i fundit, përmes një shkrimi në “Facebook” ka sqaruar se pse nuk ka dashur të jetë pjesë e kësaj liste.

“O, s’kam dashtë me qenë në Kryesi, breh. Edhe e ceka dje në mledhje se s’po due. Edhe s’kam qenë as në Lëvizje, pikërisht se mendoj edhe besoj që angazhimi im në prapavijë është edhe më i dobishëm, edhe më i frytshëm. Kjo, besoj, që për të 70-tën herë e konfirmon se veprimet e mia politike asnjëherë nuk janë ba për funksion”, ka thënë ai në një reagim.

Ndryshe, Ismaili nuk kishte funksion as brenda Lëvizjes Vetëvendosje kur ishte pjesë e saj, në VV ai ishte vetëm anëtar i Këshillit të Përgjithshëm. Ndërsa, Topalli e Pantina ishin anëtar të kryesisë brenda Lëvizjes Vetëvendosje.

Më 9 maj të këtij viti Kuvendi i Jashtëzakonshëm i Partisë Socialdemokrate ka zgjedhur me shumicë votash kryetarin e saj Shpend Ahmetin. Nënkryetar është zgjedhur Visar Ymeri, ndërsa sekretare e përgjithshme Aida Dërguti.

Dje (e enjte) në kryesinë e PSD-së janë zgjedhur edhe ish-kryetarët e partisë në të kaluarën, Bajram Kelmendi dhe Kaqusha Jashari.

Këta janë anëtarët e zgjedhur të kryesisë së PSD-së:

Anëtarët e zgjedhur të kryesisë janë:

Adonis Tahiri

Aida Dërguti

Agon Baraku

Albulena Smakaj

Alisa Hasani

Bajram Kelmendi

Belgzim Kamberi

Besa Baftiu

Dardan Molliqaj

Dardan Sejdiu

Donika Çapriqi

Driton Çaushi

Frashër Krasniqi

Gurjeta Zeka

Kaqusha Jashari

Nol Nushi

Shpend Ahmeti

Teutë Rrusta

Vala Peshku

Visar Ymeri

Zgjim Hyseni

Dy nënkryetarët e zgjedhur:

Dukagjin Gorani

Qëndron Kastrati. /Telegrafi/