17/07/2019
Rahoveci është konfirmuar si skuadër pjesëmarrëse në raundin kualifikues për FIBA Europa Cup.
Nënkampioni i Kosovës në basketboll është në mesin e dhjetë skuadrave që kërkojnë fazën e grupeve.
Pesë (5) nga dhjetë (10) skuadrat sigurojnë këtë fazë.
Ndeshjet zhvillohen me sistemin vajtje-ardhje, ndërsa ndeshja e parë luhet të mërkurën më 2 tetor ajo e kthimit një javë më pas.
Rahoveci do të mësojë kundërshtarin në shortin që hedhet më 24 korrik.
Klubi ka njoftuar se do të përballet me një nga këto pesë skuadra: Dnipro(Ukrainë), ZZ Leiden (Holandë), Kersiyaka SK (Turqi), U-BT Cluj Napoca (Rumani) dhe Kataja Basket (Finlandë).