16/11/2020
Paris Saint-Germain dëshiron që sa më shpejtë të blindojë dy yjet e skuadrës, Neymar dhe Kylian Mbappe,
Tashmë është e ditur se braziliani dhe francezi janë nën shënjestrën e Barcelonës dhe Real Madridit, ndërsa klubi nga Ligue 1 u ka ofruar kontrata të reja.
Neymari thuhet se është i gatshëm që të rinovojë kontratën edhe për disa vite të tjera, duke refuzuar kështu rikthimin në Camp Nou.
Në anën tjetër, Mbappe i ka vendosur PSG-së kushte për të nënshkruar kontratën e re, pasi dëshiron të ketë një klauzolë të vogël largimi dhe mos të pengohet kalimi i tij te Real Madridi në një të ardhme të afërt.
Por, Los Blancos e duan transferimin e francezit në verën e ardhshme, derisa klubi nga Parisi kërkon mbi 200 milionë euro. /Telegrafi/