Aktorja e famshme, Penelope Cruz heq dorë nga pamjet e saj joshëse të zakonshme. Ajo ka rruar kokën e saj për një rrol ku tregon historinë e vërtetë të një gruaje që përballet me kancerin.
Filmi u shfaq në Spanjë vitin e kaluar, por tani është vendosur të shfaqet në mbarë botën.
Vitin e kaluar, ylli 41 vjeçar thotë se ky rrol është shumë i rëndësishëm për të.
“Ky është një nga personazhet më të mrekullueshme që do të më ofrohet ndonjëherë për të luajtur. Kam rënë në dashuri me historinë e kësaj gruaje. Ajo është një perëndeshë”, ka thënë aktorja spanjolle Cruz.
Aktorja spanjolle luan rrolin e Magda-s në këtë film si një mësuese e papunë që ka një djalë të ri, i cili përballet me optimizëm dhe kurajë kundër diagnozave të kancerit.
“Ky rrol është i rëndësishëm për mua, por më duhet të them se në asnjë moment nuk jam ndier e shqetësuar se pse nuk po dukem bukur. Ky rrol përfaqëson të gjitha gratë që përballen me këtë sëmundje dhe kjo është e rëndësishme për mua”, ka shtuar Cruz.
Ndërkohë, bukuroshja spanjolle po realizon edhe një film tjetër të titulluar “Escobar”. Në këtë film luan me burrin e saj, Javier Bardem.
Ky film tregon historinë e një gazetareje që ka marrëdhënie romantike me mbretin famëkeq të drogës, Pablo Escobar, që në këtë rast këtë rrol do ta luaj burri i saj, Bardem.
Kjo nuk është hera e parë që çifti luajnë në një film së bashku.
Dyshja u shfaq edhe në vitin 2008 në filmin “Vicky Cristina Barcelona”, ku kanë luajtur së bashku me aktoren e famshme Scarlett Johansson.
