Pjesëtari i grupit “West Side Family”, Landi, është njëri prej konkurrentëve në emisionin “Në 1 javë” i cili ka përlotur të gjithë me performancën e tij.
Ai ka menduar të “ribashkoje” grupin West Side Family edhe pse Dr. Flori nuk jeton më.
Personi që ka zëvendësuar këngëtarin e ndjerë është vajza e të ndjerit, Kaltrina, e cila arriti të sundoje skenën njësoj si i ati, transmeton Mapo.
Në publik ishte dhe Blerina, e shoqja e Dr.Florit, e cila nuk i ka mbajtur dot lotët.
Edhe konkurrentët e tjerë janë përlotur. Në përfundim të performancës, Arbana e pyeti Kaltrinen se çfarë mesazhi ka për babanë e saj, ndërsa ajo me lot në sy u përgjigj: “Unë e dua shumë babin”.
Kauza e Landit ka të bëje pikërisht me fëmijët e sëmurë me sindromën “Down”, që lidhet dhe me historinë personale të djalit të mikut tij më të mirë, këngëtarit të ndjerë, Dr. Florit.