Në vend që në gjykim, avokati për rastin "TNT" shkon në pushim
Nuk ndalojnë ndërprerjet e Gjykatës Penale dhe avokatëve për rastin "TNT", që ka të bëjë me akuzat për rrënimin e objektit "Kosmos".
Seanca tjetër gjyqësore për rastin "TNT" është caktuar për 13 janar, por gjykata ka marrë njoftim nga avokati Jovica Strashevski, i cili e përfaqëson ish-kryetarin Toni Trajkovski, se ai është me pushime prej 8 deri në 17 janar.
"Për shkak të interesit të mediave për rastin "TNT" dhe pengimi i vazhdueshëm i individëve - palëve në procedurë, në tërësi e publikojmë letrën përfundimtare që iu dorëzua gjykatës dje në fund të orarit të punës. Gjykata do të njoftojë Odën e Avokatëve dhe Këshillin Gjyqësor të RMV-së në lidhje me zhvillimet e fundit dhe përpjekjet për të zvarritur seancën kryesore të caktuar për 13 janar 2020", thuhet në deklaratën e Gjykatës Penale./Telegrafi/