Në Prishtinë shënohet Dita Përkujtimore e Mbretërisë së Bashkuar

Në nder të Ditës Përkujtimore të Mbretërisë së Bashkuar, Ambasada britanike në Prishtinë ka organizuar sot Shërbimin Përkujtimor pranë Memorialit të Dëshmorëve Britanikë.

Shërbimi përkujtimor është përcjellë me ridedikimin e memorialit i cili është zhvendosur nga selia e KFOR-it në sheshin “Edith Durham” në Prishtinë.

Të pranishmëve u është drejtuar me një fjalë mirëseardhjeje ambasadori britanik në Kosovë, Ruairi O`Connell, ku më pas kanë vendosur kurora lulesh pranë memorialit përkujtimor.

Ndryshe, kjo ceremoni përkujtimore ka mbledhur disa nga personalitetet publike. Aty morën pjesë  kryeministri i Kosovës, Ramush Haradinaj, komandanti i FSK-së, Rrahman Rama, deputeti i Vetëvendosjes Fisnik Ismajli dhe përfaqësues të institucioneve të tjera.