Në Merdar policia ka konfiskuar gjashtë kilogramë heroinë
23/01/2011
Drejtoria për hetimin e trafikimit me substanca narkotike ka arrestuar tre persona si të dyshuar lidhur me këtë rast. Personat e arrestuar janë: Qazim. E.(35), Qani. E.(51), dhe Mustafa. M. (48).
Arrestimi i personave është kryer me urdhër të prokurorit të Prokurorisë së Qarkut Prishtinë.
Droga, e cila supozohet të jetë heroinë, është gjetur te një udhëtar që po udhëtonte me autobus në relacion Prizren-Linz të Austrisë.
Sipas njoftimit të policisë, droga ishte paketuar në valixhet e udhëtarit, ndërsa kapja e drogës është realizuar, në bazë të informacioneve paraprake të siguruara nga Njësiti Antidrogë e Policisë së Kosovës. /Telegrafi/