Filloi paraqitja për kampusin e kolektivit më të trofeshëm në planet, “Reali i Madridit”.
Kampusi i dytë futbollistik i Fondacionit të Realit të Madridit do të realizohet prej 14 deri më 18 janar 2019 në Ohër, në bregun piktoresk të liqenit të Ohrit, dhe kështu, duke e vendosur shtetin tonë në hartën e vendeve ku do të edukohen futbollistë të moshave 7-17 vjeç. Kampusi i Fondacionit të Realit të Madridit mund të jetë vendi i vërtetë i cili djemve dhe vajzave do t’ua trasojë rrugën drejt majave të futbollit.
Në interval kohor prej pesë ditëve, pjesë e mozaikut të kampusit do të jenë trajnerë nga Spanja të specializuar për mosha të reja, të cilët do ta ndajnë me pjesëmarrësit përvojën dhe diturinë e tyre. Sipas programit dhe rregullave të Fondacionit të klubit mbretëror, të gjithë pjesëmarrësit do të duhet të kenë ndihmë profesionale, pajisje dhe kushte maksimale për një ngritje personale.
E gjithë ajo që e kompleton personalitetin e futbollistit, si në pjesën e sportit, ligjërata edukative në tema të cilat janë nevojë reale për sportistë të shëndoshë, po ashtu edhe bon-ton sportiv, shoqërim si dhe shumë zbavitje.
Futbolli mësohet në terren, megjithatë mësimi teorik e kompleton personalitetin e futbollistit. Prandaj, në kampus gjatë janarit, trajnerët nga Spanja do të mbajnë ligjërata edukative në pesë pika thelbësore: respekti, iniciativa, nderi, vetëkontrolli dhe puna në ekip.
Kampusi si projekt është parashikuar të jetë një lloj baze për përzgjedhjen e lojtarëve të rinj, të cilët kane nevojë për ngritje në çdo kuptim të fjalës.
Ofertën e kompletuar të kampusit të dytë të futbollit ‘Real Madrid Foundation Campus Experience Macedonia’ mund ta gjeni në linkun: https://bit.ly/2Bb2KnS.
Partneri i licencuar i Fondacionit të Realit të Madridit, “Sport Arena”, e mundësoi kampusin e parë në qershor të këtij viti në Shkup. Në të njëjtin kaluan 100 nxënës, pjesa më e madhe nga Maqedonia, por edhe pjesëmarrës nga shtete tjera. Buzëqeshja e fytyrave dhe kënaqësia e prindërve të tyre është shpërblimi më i mirë për punën e kryer. Në kampusin e dytë pjesa organizative i është besuar Agjencisë KMG Sport.
Paraqitja ende vazhdon. Për të qenë pjesë e familjes së madhe të të ‘bardhëve’ mbretërorë, mund të konkurroni edhe në linkun https://bit.ly/2K9FvxA.
Tregimi futbollistik i gjigantit mbretëror botëror vazhdon në janar në Maqedoni.