Miratohet huaja për efiçiencën e energjisë në ndërtesa publike
14:"Ridvan Slivova
14/07/2016
Kuvendi i Kosovës ka miratuar projektligjin për ratifikimin e marrëveshjes për hua në mes të KFW-së dhe Qeverisë së Kosovës, për programin masat e efiçiencës së energjisë, në ndërtesat publike.
Me kërkesë të kryetarit të grupit parlamentar të LDK-së, Ismet Beqiri, është futur në rend dite shqyrtimi i Projektligjit për ratifikimin e marrëveshjes për hua në mes të KFW-së dhe Qeverisë së Kosovës, për programin masat e efiçiencës së energjisë, në ndërtesat publike.
Ministri Avdullah Hoti tha se huaja është deri në 2.5 milionë euro për sektorin e energjisë, pasi që sektori i energjisë është kyç për zhvillimin ekonomik.