Milani nuk ka mundur të marrë më shumë se një barazim 1-1 te Parma në ndeshjen e vlefshme për javën e 33-të në Serie A.
Pjesa e parë e ndeshjes u karakterizua me lojë të barabartë, por me vendasit që treguan diçka më shumë sa i përket rasteve.
Parma rrezikoi me anë të Fabio Ceravolo (13', 39') dhe Antonino Barilla (19'), ndërsa Milani provoi me Fabio Borinin (27'), por asnjëri nuk patën sukses.
Në pjesën e dytë, Rossonerët e morën lojën dhe dorë dhe pas disa tentativave arritën edhe ta gjejnë golin e epërsisë.
Ishte zëvendësuesi Samu Castillejo (69'), i cili shënoi me kokë për 0-1 pas asistimit të Susos vetëm tre minuta pasi hyri në lojë.
Milani arriti të gjej golin edhe në minutën e 73-të, por goli i anulua nga VAR-i shkaku i një pozicioni jashtë loje.
Pas këtij goli të anuluar, Parma mori zemër dhe u hodh e gjitha në sulm duke arritur të gjejnë golin e barazimit me anë të Bruno Alves (86'), i cili shënoi nga gjuajtja e lirë për 1-1 dhe vulosi rezultatin përfundimtar.
Me këtë barazim, Milani e sheh veten në pozitën e katërt me 56 pikë, ndërsa Parma e 13-ta me 36 pikë.
Në ndeshjen e radhës, kuqezinjtë udhëtojnë te Torino, ndërsa Parma te Chievo. /Telegrafi/