Ylli i Brazilit, Everton Soares thuhej se po shtynte për një transferim te Milani, por mediat italiane pranë klubit këmbëngulin që sulmuesi i Gremios nuk është më një objektiv i Rossonerëve.
Gazeta portugeze A Bola raportoi gjatë ditës se Everton kishte rënë dakord me kushtet personale dhe Rossonerët kishin nevojë për të paguar çmimin prej 40 milionë eurosh.
Megjithatë, media italiane duke përfshirë MilanNews.it dhe La Gazzetta dello Sport kontaktuan Milanin, ndërsa drejtuesit iu thanë që Everton nuk është në planet e tyre.
Ai kishte qenë subjekt i bisedimeve kur Leonardo ishte drejtor sportiv, por me largimin e tij kanë ndryshuar planet e transferimeve të Rossonerët.
Sipas La Gazzetta dello Sport, oferta e vetme që ka ardhur për Everton është nga kampioni anglez, Manchester City. /Telegrafi/