Përzgjedhësi i Spanjës, Luis Enrique, thotë se gjithmonë do t’i jetë falënderues Barcelonës dhe nuk e ka hedhur poshtë mundësinë që të kthehet te ish-klubi i tij në të ardhmen.
Pasi drejtoi Romën dhe Celta Vigon, 49-vjeçari mori drejtimin e katalunasve ku fitoi nëntë trofe brenda tri sezoneve.
Ai u largua nga Camp Nou në vitin 2017 dhe tash është trajner i përfaqësueses së Spanjës, mirëpo është hapur që ta drejtojë serish Barcën në të ardhmen.
Në një seancë pyetje-përgjigje me fansat se te cila ish-skuadër do të dëshironte të kthehej, ai ka thënë: “Mendoj se mund të jem trajner kudo ku kam qenë (më herët). E kam lënë derën hapur te të gjithë”.
“Koha ime te Barcelona ka qenë e mrekullueshme dhe gjithmonë do të jem falënderues. Jam shumë me fat që kam qenë për aq shumë vite te një klub që më ka dhënë gjithçka”, ka shtuar trajneri. /Telegrafi/