Konkursin që para disa ditëve e shpalli qeveria për punësim të 6 këshilltarëve në kabinetin e kryeministrit Zoran Zaev, në njërin prej tyre do të punojë ish-ministri i Punëve të Brendshme, Ljube Boshkovski.
Ljube Boshkovski, aktualisht kryetar i partisë “Të bashkuar për Maqedoninë”, pritet të jetë këshilltarë i kryeministrit Zoran Zaev për investime të huaja.
Sipas mediave maqedonase, oferta tanimë i është bërë Boshkovskit nga kryeministri dhe ai ka pranuar që të jetë këshilltar në kabinetin e Zaevit.
Kryeministri Zoran Zaev në disa raste ka deklaruar se është i hapur për bashkëpunim me të gjitha partitë politike në Maqedoni, përveç OBRM-PDUKM-së.
Përndryshe, në konkursin që e shpalli qeveria për punësim të 6 këshilltarëve, paga do të arrijë deri 50 mijë denarë./Telegrafi/