01/04/2019
Ka përfunduar java e 26-të në elitën e futbollit zviceran me Yung Boysin që po marshon drejt titullit.
Kampioni në fuqi ka marrë një tjetër fitore dhe ka ruajtur diferencën prej 21 pikësh me Baselin.
Këtë javë paraqitjet ë mirë në Superligën e Zvicrës patën edhe futbollistët shqiptarë.
Sioni e ka mposhtur Zurichun me rezultat minimal 1-0, në një ndeshje ku shkëlqyen dyshja e shqiptarëve Ermir Lenjani dhe Pajtim Kasami.
Dy futbollistët shqiptarë kanë zënë vend në formacionin më të mirë të javës nga ‘sportalhd.com’.
Pas kësaj fitore, Sioni është larguar nga zona e rrezikshme dhe zë pozitën e tetë në tabelë me 29 pikë të tubuara. /Telegrafi/
