Kroenke në Londër për zgjidhur çështjen e Cesc
05/08/2011
Biznesmeni amerikan është në kryeqytetin anglez për të ndjekur ditën vjetore të anëtarëve, por arsyeja e vërtetë e pranisë të tij është t’i japë fund njërës prej sagave më të përfolura transferuese të kësaj vere.
Ai dhe anëtari i bordit Ivan Gazidis raportohet se janë duke analizuar ofertën e fundit të gjigantit spanjoll, të vlefshme 30 milionë funte (35 milionë euro), dhe 5 milionë funte shtesë në varësi të paraqitjeve të lojtarit dhe sukseseve të klubit.
Pavarësisht spekulimeve, Fabregas pritet të luajë në miqësoren e vikendit kundër Benficas në Lisbonë, ndërsa lojtari ishte edhe pjesë e stërvitjes së të enjtes, ku u duartrokit nga fansat. /Telegrafi/