Kastro pranë shkurorëzimit me gruan
Kohë më parë në mediat bëri bujë një set me fotografi ku tregohej Kastro Zizo me një vajzë brune në momente intime, që duket të kenë qenë arsyeja kryesore e ndarjes së tyre.
Sipas burimeve të Panorama Plus, çifti ka dy muaj që është ndarë, ndërsa Jola ka bërë kërkesë për divorc edh enë gjykatë.
Miqtë e saj, thonë se Jola nuk ia kishte falur asnjëherë Kastros aventurën e tij me vajzën brune, të cilën ajo e mendonte si të vërtetë, pavarësisht se Kastro e ka mohuar gjithmonë.
Gjithashtu edhe tepria e tij me alkoolin ishte një tjetër shkak i kërkesës së Jolës për divorc. Miqtë tregojnë se Kastro është i tronditur nga kërkesa e Jolës për divorc, madje nuk ka pranuar ta firmosë fletëthirrjen që i ka dërguar gjykata, për t’u paraqitur në seancën e gjyqit.
Kështu duket se po merr fund lidhja gati shtatëvjeçare mes Jolës dhe Kastros, e cila katër vite më parë u kurorëzua në martesë dhe falë kësaj martese lindi edhe djali i tyre, sot 3 vjeç e gjysmë. /PP/Telegrafi/