Karzai dëbon forcat amerikane nga provinca Vardak
25/02/2013
Zëdhënësi i presidentit, Aimal Faizi, ka thënë se vendimi është marrë në Këshillin për Siguri Kombëtare të Afganistanit.
Duke folur para gazetarëve, ai ka akuzuar forcat speciale të SHBA-së dhe disa njësite afgane për shkaktimin e “pasigurisë dhe joqëndrueshmërisë” në provincë.
Faizi ka thënë se nëntë njerëz janë zhdukur, pasi forcat speciale amerikane kanë kryer një operacion ushtarak në provincën Vardak, transmeton “Evropa e Lirë”.
Vardaku ka qenë fokusi i fundit i operacioneve kundër militantëve. /Telegrafi/