Federico Chiesa është objektivi kryesor i Juventusit për repartin e sulmit.
Sulmuesi italian ka shkëlqyer në dy vitet e fundit me fanellën e Fiorentinës dhe është bërë ndër lojtarët më të kërkuar në Evropë.
Juventusi mbetet favorit për nënshkrimin e lojtarit dhe për këtë është gati t’i sakrifikojë tre futbollistë.
Juan Cuadrado, Mattia De Sciglio dhe Leonardo Spinazzola i janë ofruar Fiorentinës në këmbim të Chiesas.
Klubi nga Firenze ende nuk ka dhënë një përgjigje rreth kësaj oferte, por vështirë se do ta pranojë.
Fiorentina i ka bërë të qartë skuadrave se për ta lënë të lirë yllin e tyre kërkon vetëm para.
Skuadra që drejtohet nga Vincenzo Montella dëshiron së paku 60 milionë euro për Chiesan.
Kujtojmë që për lojtarin në garë janë edhe Inter, Napoli dhe Roma. /Telegrafi/