Jones: Presley adhuronte picat

Rokeri legjendar shtoi nё peshё nё fund tё karrierёs sё tij duke ngrёnё pa masё dhe duke marrё substanca narkotike. Rokeri i njohur Tom Jones kujton se miku i tij edhe pse stёrvitej tё mbajё vijёn e trupit, hante vazhdimisht.

“Isha mik i mirё me tё. Por ne kurrё nuk kemi punuar sё bashku. Me kalimin e kohёs, ai filloi tё shtonte peshё dhe nё vend se ta shihte problemin siç ishte, ai filloi tё shijonte kёnaqёsi nё tё”, ka thёnё Jones.

“E kam pa atё disa herё duke qёndruar nё bicikletёn e tij tё stёrvitjeve dhe duke ngrёnё pica. Ne ishim nё suitёn e tij nё Hilton nё Vegas. Dhe ai mё thoshte, ‘a po stёrvitesh ti Tom? Unё po...’, dhe qёndronte duke mbushur gojёn”, shton Tom Jones.