Barcelona është duke tentuar që ta përforcojë repartin ofensivë gjatë këtij afati kalimtar veror.
Sulmuesi brazilian Malcom pritet të largohet pas një viti qëndrim në Camp Nou pa arritur të lë gjurmë.
Antoine Griezmann është objektivi madhor i katalunasve për repartin ofensivë.
Por Barça nuk do të ndalet vetëm me francezin, pasi synon edhe një sulmues tjetër.
Fjala është për talentin danez Kasper Dolberg që ka pasur paraqitje shumë të mira me Ajaxin.
21-vjeçari është bërë prioritet i katalunasve që e shohin si zëvendësues perfekt të Luis Suarezit.
Mediat spanjolle dhe ato holandeze kanë raportuar se Barcelona ka gati një ofertë prej 25 milionë euro për Dolbergun.
Reprezentuesi danez këtë edicion ka realizuar 12 gola e ka bërë gjashtë asistime, derisa ka kontratë me kampionët e Holandës deri në vitin 2022./Telegrafi/