James Rodriguez është duke kaluar ditët e tij të fundit si futbollist i gjigantit spanjoll Real Madrid.
Mesfushori kolumbian edhe pse qëndroi në Madrid pas rikthimit nga huazimi te Bayerni, nuk është i lumtur me gjendjen e tij në skuadër.
Kësisoj ai ka kërkuar largimin nga Los Blancos dhe ofertat për të nuk janë duke munguar.
Juventus dhe Napoli janë dy skuadrat italiane që e duan me çdo kusht afrimin e kolumbianit.
Por së fundmi mediat spanjolle kanë konfirmuar se për Rodriguez janë në lojë edhe tri skuadra angleze.
Manchester United, Tottenham Hotspur dhe Wolverhampton Wanderers janë tri ekipet angleze që duan të nënshkruajnë me lojtarin.
Gjithsesi Reali synon që të fitojë rreth 50 milionë euro për ta lënë të lirë reprezentuesin e Kolumbisë. /Telegrafi/