Producenti i njohur amerikan, Harvey Weinstein, është shpallur fajtor për përdhunim në shkallën e parë dhe dhunë në shkallë të tretë.
Ky vendim është marrë pas dëshmisë së Miriam Haley, e cila tha se Harvey e detyroi të kryente marrëdhënie seksuale orale me të në vitin 2006, si dhe dëshmisë së Jessica Mann, e cila po ashtu tha para gjykatës se Weinstein e kishte përdhunuar në vitin 2013.
Siç raportohet nga tabloidet e huaja, për përdhunimin e shkallës së tretë, në bazë ta akuzës së ish-partneres së tij Mann, Weinstein rrezikon deri në katër vite burg, gjersa për veprën kriminale seksuale rrezikon deri në pesë vite burg.
Aktgjykimi ofroi një masë drejtësie për dhjetëra femra që kishin paraqitur pretendime të ngjashme kundër Weinstein.
Për shumicën, gjykimi ishte një moment i rëndësishëm për lëvizjen "#MeToo" dhe një provë thelbësore në përpjekjen për t'i mbajtur përgjegjës burrat e fuqishëm për ngacmimet seksuale në vendin e punës.
67-vjeçari nuk u shpall fajtor për dy akuzat e sulmeve seksuale, ku juristët nuk besuan në dëshminë e Annabella Sciorra, një aktore e njohur për punën e saj në "Sopranos".
Ankesat për Weinstein, regjisori fitues i "Oscars", përfshirë filmin "Shakespeare in Love", kishin filluar në fund të vitit 2017, pasi qindra femra të njohura transmetuan historitë e tyre të ngacmimit.
Dhe pas gjithë kësaj ai u shndërrua si një nga figurat më të komentuara në botë. /Telegrafi/