03/08/2016
Pas një fushate të gjërë takimesh me qytetarët e Maqedonisë në rajone të ndryshme të vendit, përfshirë edhe Shipkovicën e Tetovës, ish-kryeministri Nikolla Gruevski ka vendosur që të merr pushim, transmeton Telegrafi Maqedoni.
OBRM-PDUKM-ja bën të ditur se lideri i tyre këto ditë do të niset për në Turqi, bashkë me familjen e tij, në një aranzhim privat. Paraprakisht Gruevski kishte shkuar në Itali, gjithashtu në një aranzhim privat, ku bëhej fjalë për një dasëm.
Nga udhëtimet private të Gruevskit, për të cilat informon partia e tij, ishte edhe ajo në Izrael, kur dolën në pah syzat e shtrenjta të tij.
Si duket, Gruevskit nuk i bën përshtypje kriza me tentimin e grushtit të shtetit në Turqi./Telegrafi/