Gjermania suspendon certifikimin e gazsjellësit rus 'Nord Stream II'
Gjermania ka suspenduar certifikimin e gazsjellësit rus “Nord Stream II”, kështu njofton DPA.
“Autoritetet gjermane pezullojnë certifikimin për ‘Nord Stream II’”, njofton shkurt agjencia gjermane e lajmeve DPA, përcjell Telegrafi.
Ndërsa sipas ekonomistit Christophe Barraud, ky pezullim është bërë për arsye të ndryshimit të formës ligjore.
"Pezullimi i certifikimit të ‘Nord Stream II’ ka shkaktuar ndryshimin e formës ligjore", njofton Barraud.
Lidhur me këtë projekt, sekretari amerikan i Shtetit, Antony Blinken kishte thënë se ky tubacion binte ndesh me interesat e vetë Bashkimit Evropian.
“Presidenti Biden ka qenë shumë i qartë, ai beson se tubacioni është një ide e keqe, e keqe për Evropën, e keqe për Shtetet e Bashkuara, në fund të fundit është në kundërshtim me qëllimet e BE-së për sigurinë”, kishte thënë Blinken.
Po ashtu, Komisioni Evropian ka shqyrtuar ankesat e disa vendeve të Bashkimit Evropian se Rusia po përdor pozicionin në treg për të nxitur rritjen e çmimeve të gazit në rajon. /Telegrafi/