08/10/2016
Gianluigi Buffon është kryqëzuar nga kritikët pas një gabimi trashanik në takimin kualifikues në mes të Italisë dhe Spanjës.
Portieri i Juventusi bëri një dalje jo mirë të menduar, ku gaboi rëndë dhe më pas u shënua goli i epërsisë për Spanjën, por për Vitolon dhe Daniele De Rossin, Buffon mbetet portieri i madh.
“Buffon është një portier i madh, ai ka pasur një karrierë të madhe. Unë nuk e prisja atë gabim!”, ka thënë Vitolo.
“Portieri më i mirë në histori mund të bëjë gjithashtu gabime, përndryshe ai do të ishte një makinë”, ka thënë De Rossi.
Ndryshe, ndeshja në mes të Italisë dhe Spanjës përfundoi baras 1-1, ku golashënues ishin pikërisht Vitolo dhe Danile De Rossi. /Telegrafi/