FIFA dhe FIFPRO (Unioni Botëror i Futbollistëve Profesionist), kanë arritur një marrëveshje për krijimin e Fondit FIFA për Lojtarët e Futbollit (FIFA FFP), i cili synon të sigurojë mbështetje financiare për lojtarët që nuk janë paguar dhe nuk kanë asnjë shans për t’i marrë ato para që kanë rënë dakord me klubet e tyre.
Më shumë se 50 klube në 20 vende janë shuar në pesë vitet e fundit, duke zhytur qindra futbollistë në pasiguri dhe vështirësi financiare.
Ky fond do të sigurojë mbështetje të vlefshme për ata lojtarë dhe familjet e tyre që kanë më shumë nevojë.
Shumë nga këto klube janë shuar për të shmangur pagimin e pagave të papaguara, duke u ri-formuar si të ashtuquajturat klube të reja dhe duke mos i paguar borxhet.
FIFPRO ka bërë fushatë të gjatë kundër kësaj praktike të paskrupullt dhe falënderon FIFA-n për luftimin e saj në Kodin e saj Disiplinor.
FIFA ka caktuar 16 milionë dollarë për fondin deri në vitin 2022.
Në vitin 2019, FIFA rishikoi Kodin e saj Disiplinor, në të cilën forcoi kornizën për trajtimin e mospagimit të pagave të lojtarëve.
Ky mekanizëm i ri do të hyjë në fuqi më 1 korrik 2020. /Telegrafi/