24/05/2019
Feronikeli të shtunën me fillim prej orës 20:00, në sheshin “Fehmi Lladrovci”, është paraparë të mbahet festa e kampionëve.
Pas festimit të titullit të Kosovës, Feronikeli organizon edhe festë speciale për kampionët.
Të ftuar special në festën e kampionëve janë këngëtarët: Blero, Hekuran Krasniqi, Vjosa Emini dhe Xhezair Elezi (Xheza).
“Ftojmë të gjithë tifozët e Feronkelit, tifozët e futbollit në përgjithësi dhe qytetarët e Drenasit, të marrin pjesë në organizimin special për të festuar për kampionët e Kosovës”, thuhet në njoftimin e klubit.
Feronikeli sot luan finalen e Kupës dhe në rast të fitores do të kishte festë të dyfishtë.