Komisioni i Konkurrencës i Federatës Spanjolle të Futbollit ende nuk kanë qenë në gjendje për ta gjetur një zgjidhje për shtyrjen e El Clasicos.
Tani përsëri topi është rikthyer te Barcelona dhe Real Madrid, ku të dy klubet iu kërkohen një datë deri në orën 20:00 të martën.
Komiteti i Konkurrencës do të mblidhet përsëri dhe do t’i rishikojë propozimet e bëra nga klubet.
Ndeshja u desh të zhvillohej në Camp Nou, por u shty për shkak të krizës politike dhe sociale në Kataluni.
La Liga e ka bërë të qartë se El Clasico, tani do të ishte mirë të zhvillohej me 4 dhjetor, ndërsa klubet e kishin gjetur datën e 18 dhjetorit si më të pëlqyerën për ta.
Pra 18 dhjetori data që u pajtuan Barcelona dhe Real Madrid, nuk është pranuar nga La Liga, pasi në atë datë zhvillohen ndeshjet e Kupës së Mbretit.
Tani Komiteti i Konkurrencës i ka kërkuar RFEF (federatës) që të verifikojë nëse El Clasico do të lejohej të luhet në 18 dhjetor. /Telegrafi/