“Emmy Awards 2022” mbahet më 12 shtator, nominimet shpallen në korrik

Ceremonia e 74-të e çmimeve Emmy do të mbahet më 12 shtator, duke transmetuar drejtpërdrejt në NBC.

Nominimet për më të mirët do të shpallen më 12 korrik, tha akademia dhe rrjeti televiziv. Prezantuesi i ceremonisë, producentët dhe detaje të tjera do të njoftohen më vonë.

Çmimet Emmy do të mbahen të hënën, jo të dielën e zakonshme, për shkak të “NBC Sunday Night Football”.

Ceremonia e vitit të kaluar, e organizuar nga Cedric the Entertainer në CBS, kishte një audiencë të kufizuar në teatër për shkak të COVID-19.

Emmy 2021 tërhoqi më shumë se 7.4 milionë shikues, një kthesë pas një shikueshmërie të ulët të të gjitha kohërave prej pak më pak se 6.4 milionë në vitin 2020. /KP/